Ўзбекистон Молия вазирлиги вазирликларга ажратиладиган маблағлар ҳақидаги маълумотларни чоп эта бошлайди.

Ҳар куни ижтимоий тармоқлардаги саҳифаларда давлат бюджетининг даромад ва харажат қисмлари, шунингдек давлат харидлари тизимида тузилган шартномалар ҳақидаги маълумотлар чоп этилади.

Шу билан бирга, ҳар ойда вазирлик турли вазирлик ва идораларга ажратилган маблағлар ҳамда турли йўналишдаги давлат дастурлари доирасида ажратиладиган маблағлар ҳақидаги ахборотни ҳам бериб боради.