Олий суд радио Гранд иши бўйича қарор чиқарди

«Олий суд “Гранд” радиоси иши бўйича бизнинг фойдамизга қарор чиқарди ва таъсисчимиз ҳамда раҳбаримиз Светлана Хоннинг шикоятини қисман қондирди», – дея хабар беради радиостанция ўзининг Фейсбукдаги саҳифасида.

Ўз хабарида радиостанция президентга ва ташкилотни қўллаб-қувватлаб турган барчага ўз миннатдорчилигини билдиради. “Биз биргаликда мамлакатимиз раҳбарининг кўмагида радиомизни сақлаб қолдик”, – қайд этилади хабарда.

Эслатиб ўтамиз, 2018 йил май ойида Бош прокуратура ҳузуридаги Мажбурий ижро бюроси радиостанция раҳбарига компания давлат фойдасига ўтганини маълум қилган эди. Бунда тегишли ҳужжатлар тақдим этилмаган.