Korzinka.uz дўконларида Coca-Cola ичимлиги 3990 сўмдан сотувга чиқди

Тошкентдаги Korzinka.uz дўконларида Coca-Cola ичимлиги пайдо бўлди. Ушбу ичимликнинг 1,5 литрлик шакли 3990 сўмдан сотилмоқда, дея хабар беради “Дарё” нашри.

Бундан олдин Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси Тошкентдаги заводдан чиқадиган Coca-Cola ичимлигининг нархини назорат қилиши ва у 4000 сўмдан ошмаслиги (1,5 литр учун) ҳақида хабар берган эдик.

Шу ҳафта бошида эса Korzinka.uz супермаркетлар тармоғида оммабоп Pepsi газланган ичимлигининг нархи ҳам кескин тушиб кетди. Ҳозир 1,5 литрлик Pepsi 3 минг 890 сўмдан, бир литрлиги 2 минг 890 сўмдан, ярим литрлиги эса 1 минг 890 сўмдан сотилмоқда.