Навоий вилоятида «Mercedes Benz» русумли автобус ёниб кетди

“На посту” газетаси тарқатган маълумотга кўра, Навоий вилоятининг Томди туманида «Mercedes Benz» русумли йўловчи автобуси ёниб кетган. Йўловчилар транспорт воситасини зудлик билан тарк этиб, “01” хизматига қўнғироқ қилган.   

Воқеа жойига етиб келган ўт ўчирувчилар оловни тез ўчирган. Жабрланганлар йўқ. Айни пайтда ёнғин сабаблари аниқланмоқда, деб ёзади UZ24 нашри.

Эслатиб ўтамиз, шу русумли, аммо модели бошқа йўловчи автобусларининг ёниб кетиш ҳолатлари пойтахтда ҳам бир неча бор қайд этилганди.