Саломатликка оғир зарар етказиб, Россияда яшириниб юрган фуқаро Ўзбекистонга топширилди
Ўзбекистон фуқароси Алишер Қўлдошев Ўзбекистон Республикасининг ваколатли органларига топширилди. У безорилик ниятида соғлиққа қасддан оғир зарар етказганлик учун қидирилаётган эди, дея хабар беради Москва вилояти прокуратурасининг матбуот хизмати.
Маълумотларга кўра, у 2013 йил февралида Тошкент вилоятининг Бекобод шаҳрида бўлган пайтида, шериги билан бирга ўзининг танишини дўппослаган ва унинг саломатлигига оғир зарар етказган. Воқеадан сўнг у Россия Федерацияси ҳудудида яшириниб юрган.
2014 йил январида Қўлдошев Москва остонасининг Раменский туманида полиция ходимлари томонидан ушланди. Москва вилояти прокуратураси органлари унга нисбатан экстрадиция текширувини ўтказиб, унинг материалларини Россия Федерацияси Бош прокуратурасига юборади.
Айни пайтда РФ Бош прокурори ўринбосарининг қарори билан Алишер Қўлдошев Ўзбекистон томонига жиноий жавобгарликка тортиш учун топширилди.
If you have found a spelling error, please, notify us by selecting that text and pressing Ctrl+Enter.
Тавсиялар
Қозоғистонда 1500 дан ортиқ ўзбекистонлик фуқаро меҳнат қилмоқда
Мудофаа вазирининг ўринбосари Тимур Ивановнинг ҳибсга олиниши экспертлар орасида кенг муҳокамани келтириб чиқарди
Россия Хитой учун газни арзонлаштирмоқчи
ЕИ Россия тарғиботига қарши янги санкцияларни тайёрламоқда
Украинадаги уруш “фахрийси” урушга қарши қарашлари учун 15 ёшли ўсмирга отиб ташлаш билан таҳдид қилган
USD
EUR
RUB
Шарҳлар