Чегарачилар доим хушёр

Бир сутка ичида Қозоғистон чегарачилари томонидан 240 нафар Ўзбекистон фуқароси ушланди, дея хабар беради “Zakon.kz”.
 
«Сариагаш чегара отряди нарядлари томонидан бир сутка ичида 240 нафарга яқин меҳнат муҳожири ва белгиланган муддатларда мамлакатдан чиқиб кетмаган Ўзбекистон фуқаролари қўлга олинди», – дейилади Қозоғистон ҚХХ чегара хизматининг хабарида.
 
Қўлга олиниш факти бўйича ҳуқуқни муҳофаза қилиш органларига маълум қилинган. Қўлга олинган фуқаролар маъмурий жавобгарликка тортилади.