Борий Алиханов ва Наримон Умаров сенаторликка тайинланди, Мурат Камалов Сенат раисининг ўринбосари этиб тайинланди

Борий Алиханов ва Наримон Умаров сенаторликка тайинланди

Президент Шавкат Мирзиёев 20 октябрь куни Борий Алиханов ва Наримон Умаровни Олий Мажлис Сенатининг аъзолари этиб тайинлаш ҳақидаги фармонни имзолади. Бу ҳақда Газета.uz нашри ЎзА га таянган ҳолда хабар беради.

Шу муносабат билан Марказий сайлов комиссиясининг навбатдаги йиғилишида Борий Алиханов ва Наримон Умаровни Олий Мажлиси Қонунчилик палатасининг депутатлари рўйхатидан чиқариш ва уларни Сенат аъзолари этиб рўйхатга олиш масалалари кўриб чиқилган.

 
Чапдан ўнгга: Борий Алиханов, Наримон Умаров, Мурат Камалов

Борий Алиханов 2009 йил августдан бошлаб Ўзбекистон экологик ҳаракатига, кейинчалик 2019 йил январда ташкил қилинган Экологик партияга раҳбарлик қилган. 2010 йил январь ойидан бошлаб Олий Мажлис Қонунчилик палатаси спикерининг бешта ўринбосаридан бири ҳисобланади.

Наримон Умаров Суд-ҳуқуқ масалалари ва коррупцияга қарши курашиш бўйича Сенат қўмитасининг янги раисига айланди. У 2015 йилдан буён Олий Мажлис Қонунчилик палатаси спикерининг ўринбосари ва “Адолат” социал-демократик партияси сиёсий кенгашининг раиси сифатида фаолият кўрсатиб келди.

Шунингдек 21 октябрь куни парламент юқори палатасининг саккизинчи ялпи йиғилишида яширин овоз билан Қорақалпоғистон Жоқарғи Кенеси раиси Мурат Камаловэса Ўзбекистон Олий Мажлиси Сенати раисининг ўринбосари этиб сайланди. Мурат Камалов учун 72 нафар сенатор овоз берди. 

If you have found a spelling error, please, notify us by selecting that text and pressing Ctrl+Enter.