Диний муассасалар 8 июндан ўз фаолиятини фақат “яшил” ҳудудларда бошлайди

Диний муассасалар 8 июндан ўз фаолиятини фақат “яшил” ҳудудларда бошлайди

Диний муассасалар, масжидлар 2020 йил 8 июндан бошлаб фақат «яшил» ҳудудларда фаолиятини бошлайди. Хавфсизликни таъминлаш учун ушбу масканларда 5-8 июнь кунлари санитар чоралар кўрилади. Бу ҳақда коронавирусга қарши курашиш бўйича тезкор штаб хабар бермоқда.

Масжидларда санитария-эпидемиология меъёрларига қатъий риоя қилган ҳолда (ҳимоя ниқобларини мажбурий кийиш шарти билан), ижтимоий масофа сақлаган (ташриф буюрувчилар орасидаги масофа камида 1, 5-2 метр) ҳолда намоз ўқиш мумкин бўлади.

Бироқ, фуқароларнинг касалликни номаълум манбалардан юқтириши ва аҳоли ўртасида коронавирус инфекцияси тарқалишининг олдини олиш мақсадида ҳозирча оммавий диний тадбирлар (жума намози, якшанба ибодатлари ва бошқалар) ташкил этиш тақиқланади.

If you have found a spelling error, please, notify us by selecting that text and pressing Ctrl+Enter.