Мажбурий ижро бюроси Сурхондарёда ташкилотдан 35 млрд сўмдан ортиқ миқдордаги қарзни ундирди

Мажбурий ижро бюроси Сурхондарёда ташкилотдан 35 млрд сўмдан ортиқ миқдордаги қарзни ундирди

Мажбурий ижро бюроси томонидан Сурхондарё вилоятининг  Шўрчи туманида жойлашган қарздор «Мўмин Текстиль» масъулияти чекланган жамиятининг  ип-калава фабрикаси ва ип -калава ишлаб чиқариш ускуналари белгиланган тартибда баҳоланиб, электрон онлайн-аукцион савдосига чиқарилди. Ундан тушган 35 млрд 519 млн 732 минг 31 сўм “Ўзсаноатқурилиш” АТБ фойдасига ўтказилди, дея хабар беради ЎзА.
 
– Мазкур иш юзасидан амалдаги қонунлар ва суд қарорига асосан қарздор тарафларнинг мол-мулкларини аниқлаш мақсадида тегишли ташкилотларга сўровномалар юборилди, – дейди Мажбурий ижро бюроси Сурхондарё вилояти бошқармаси катта инспектори Қ.Турсунов.–Сўровномалар натижасига кўра қарздорларнинг балансидаги кўчмас мулкларга нотариус ва кадастр таъқиқлари ўрнатилди.

If you have found a spelling error, please, notify us by selecting that text and pressing Ctrl+Enter.