Италиянинг Innovando компанияси “Сирдарё вилоятида қаттиқ маиший чиқиндиларни тўплаш ва қайта ишлаш корхонасини ташкил этиш” лойиҳасида қатнашади, дея хабар беради Хорижий инвестицияларни жалб этиш агентлиги.

Лойиҳа доирасида қаттиқ маиший чиқиндиларни тўплаш, олиб чиқиш, саралаш ва қайта ишлаш бўйича кластерни яратиш режалаштирмоқда. Чуқур қайта ишлаш технологиялари туфайли чиқиндиларнинг 60 фоизини қайта ишлаш ва цемент тайёрлаш учун биогаз, пластик маҳсулоти ҳамда ҳом ашё гранулалари олиш учун иккинчи маротаба ишлатиш режалаштирилмоқда.

Кўп босқичли лойиҳани амалга ошириш 5 йилга мўлжалланган ва унинг умумий қиймати 40 миллион еврони ташкил этади. Заводнинг умумий майдони 30 гектарни ташкил этади.

Италия томони биринчи босқичда италиялик компаниялар томонидан кейинги сармояларни жалб қилиш ва эксплуатация харажатларини қоплашга замин яратадиган тариф тизимини жорий этиш масаласини муҳокама қилиш зарурлигини таъкидлади. Кейинги босқич – бу чиқиндиларни қайта ишлаш чоғида иккиламчи ресурсларни олиш, уни амалга ошириш ва сотишдан иборатдир. Олинган маҳсулотлар кейинчалик хорижий давлатларга, шу жумладан, Италияга ҳам экспорт қилиниши мумкин.

“Energy X Group” МЧЖ қўшма корхонаси кластернинг лойиҳавий ғояси ва уни амалга ошириш концепциясини бажарувчи ҳисобланади.