Пойтахт ИИББ март ойи бошида ўсмирларнинг оммавий ҳибсга олиниши бўйича сўровга жавоб бермади
Фото: кадр из видео
Март ойи бошида пойтахтнинг Яшнобод туманидаги Халқаро анжуманлар саройи биноси ёнида 50 нафар ўсмир ҳибсга олинган эди. Ўсмирларнинг ота-оналарининг сўзларига кўра, ҳуқуқ-тартибот идораларининг ходимлари болаларнинг телефонларини олиб қўйиб, ота-оналари билан боғланишга имкон бермаган. Ота-оналар, шунингдек, ҳуқуқ-тартибот идораларининг ходимлари фарзандлари қаерга олиб кетилганини маълум қилмаганини ҳам айтишган.
6 март куни Anhor.uz таҳририяти Тошкент шаҳар ИИБга қуйидаги саволлар билан расмий сўров юборди:
- Ҳибсга олинган ўсмирларнинг олдига ота-оналарини қўймасликнинг сабаби нимада?
- Ўсмирларнинг асоссиз ҳибсга олингани ва уларнинг олдига ота-оналари қўйилмагани учун ҳуқуқ-тартибот идораларининг вакиллари жавобгарликка тортиладими?
- Нечта ўсмир билан профилактик суҳбат ўтказилди?
Бу саволларга жавоблар ҳали олингани йўқ. Қонунга кўра, ОАВларга жавоб бериш муддати 7 кунни ташкил қилади.
If you have found a spelling error, please, notify us by selecting that text and pressing Ctrl+Enter.
Улашиш:
Шарҳлар