1 июлдан бошлаб бизнесга нисбатан санкциялар ўрнатишга мораторий жорий этилади

Источник: unsplash.com

Жорий йилнинг 1 июлидан Ўзбекистонда тадбиркорлик субъектларига нисбатан янги турдаги жавобгарлик чоралари ва санкцияларини жорий этишга уч йиллик мораторий жорий этилади. Бу Президентнинг “2022–2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга оид Давлат дастури тўғрисида”ги фармонда сўз боради, деб ёзади Kun.uz.

“Тадбиркорлик субъектларининг ҳуқуқий ҳимоясини янада кучайтириш мақсадида 2023 йил 1 июлдан бошлаб тадбиркорлик субъектларига нисбатан янги турдаги жавобгарлик чоралари ва санкцияларини жорий этишга уч йиллик мораторий белгиланди”, — дейилади ҳужжатда.

Бундан ташқари, Адлия вазирлигига Бош прокуратура билан биргаликда савдо-сотиқ қоидаларини бузганлик учун жиноий жавобгарликни бекор қилишни назарда тутувчи қонун лойиҳасини хизматларни маъмурий юрисдикцияга ўтказиш орқали ишлаб чиқиш ва белгиланган тартибда Вазирлар Маҳкамасига киритиш топширилди.

 

If you have found a spelling error, please, notify us by selecting that text and pressing Ctrl+Enter.