200 дан ортиқ қизнинг шахсий маълумотларини чоп этган икки нафар фуқаро қўлга олинди
Сурхондарё ва Қашқадарё вилоятларида яшовчи икки фуқаро 200 дан ортиқ қизнинг шахсий маълумотларини ёпиқ телеграм каналида эълон қилгани учун қўлга олинди, деб ёзади “Медиазона”.
Уларга нисбатан туҳмат ва ҳақорат бўйича жиноий иш очилди.
Тергов маълумотларига кўра, қўлга олинганлар қизларнинг исм-шарифлари, фотосуратлари ва телефон рақамларини тарқатган. Уларнинг постлари ҳақоратлар ва жинсий алоқа хизматларини кўрсатишда айблашлар билан бирга чоп этилган.
Қайд этилишича, гумондорларни ҳибсга олишга уларнинг мобил телефонларидан топилган ёзишмалар сабабчи бўлган.
Улашиш:
Шарҳлар