22 декабрдан қиймати 50 000 ва 100 000 сўмлик янги банкнотлар муомалага чиқарилади

Марказий Банк 2021 йил 22 декабрдан қиймати 50 000 сўм ва 100 000 сўм бўлган пул белгиларининг янги намунасини муомалага чиқариш тўғрисида қарор қабул қилгани ҳақида маълум қилди.

Ушбу банкнотлар мавзуси “Буюк Ипак Йўли” ва Сурхондарё, Хоразм вилоятларининг тарихига бағишланади.

Банкнотлар ҳимояланган қоғозга босилган бўлиб, уларнинг олд ва орқа томонлари махсус лак билан қопланган.