4 киши 15 ёшли мактаб ўқувчисини зўрлаганликда айбланмоқда

Қашқадарёда 15 ёшли ҳомиладор қиз тўрт йигитни гуруҳ бўлиб зўрлаганликда айблади. Бу ҳақда Kun.uz Қашқадарё вилояти Касби тумани ҳокимлигининг матбуот хизматига таянган ҳолда ёзади.

Ушбу ҳолат бўйича ички ишлар органларининг ходимлари ЖКнинг 128-моддаси (ўн олти ёшга тўлмаган шахс билан жинсий алоқага киришиш) бўйича жиноий иш қўзғатди. Қайд этиб ўтамиз, иш 118-модда (зўрлаш) бўйича қўзғатилмаган.

Қизнинг сўзларига кўра, воқеа 2021 йил июнь ойида содир бўлган. Бироқ гумондорлар мактаб ўқувчисини зўрлаганликларини рад этмоқда. Вояга етмаган қиз гумондорлар уни қўрқитганини, шу боис у шу пайтгача сукут сақлаганини тан олди. Қизнинг онаси унинг ҳомиладор эканини фақат декабрь ойида билиб қолган. Ушбу ҳолат мактабда ошкор бўлган, бу пайтда 7-синф ўқувчисининг ҳомиласи 6 ойлик бўлган.

Ҳокимликнинг маълум қилишича, айблов учун далиллар етарли эмаслиги сабабли тергов вақтинчалик тўхтатилган.

Бола туғилганидан кейин мутахассислар томонидан ДНК таҳлили ўтказилиши ва тергов давом эттирилиши айтилади.