АҚШ армиясининг собиқ офицери ва Россия тарғиботчиси Скотт Бенетт вафот этди

46 ёшли Скотт Бенетт, АҚШ армиясининг собиқ офицери ва сўнгги йилларда РТ таҳририятида ишлаган журналист, жигар касаллиги оқибатида ҳаётдан кўз юмди. Расмий хабарларга кўра, унинг ўлими касаллик сабаб юз берган бўлса-да, Россия пропагандачиси Маргарита Симонян Бенетт ўзининг фаолияти туфайли ўлдирилган бўлиши мумкинлигини тахмин қилди.

Симонян ўзининг Телеграм-каналида шундай ёзган:

«Скотт Киевнинг Белгород вилоятида содир этган жиноятлари ҳақида ҳисоботини Конгрессга юборганидан сўнг, дўстларига ўз жонига қасд қилиш ниятида эмаслигини айтган эди. Агар унга бирор нарса бўлса, бу тасодиф эмас. У ўзини яхши ҳис этаётган эди, икки ҳафта олдин ҳам соғлом кўринарди. Энди эса, ҳеч қандай ташхис қўйилмаган бўлса-да, жигар касаллиги туфайли вафот этди.»

Бенетт илгари АҚШ президенти Жорж Бушнинг администрациясида хизмат қилган.

2023 йилда Бенетт «НАТО офицерининг тавбаси» номли ҳужжатли фильм қаҳрамонига айланган ва ундан кейин Донбассга бориб, РТ учун «Америкалик офицернинг фронт кундалиги» номли репортаж тайёрлаган эди.

Жорий йил март ойида, Қизил майдонда турган Бенетт, Россия президенти Владимир Путинга мурожаат қилиб, Россия фуқаролигини сўраган эди. У ўзининг дипломатик ва разведка соҳасидаги тажрибаси ёрдамида Россияга кўмак беришни мақсад қилганини айтган.

Ҳозирча унинг ўлими атрофида тарқалган тахминлар расмий органлар томонидан тасдиқланганича йўқ.