Давлат геология қўмитасининг биноси аукционда 124,7 млрд сўмга сотилди

Пойтахтнинг Миробод туманида жойлашган Тошкентдаги Давлат геология қўмитасининг биноси ва унга туташ ер участкаси салкам 125 млрд сўмга сотилди, деб ёзади  UzNews нашри.

Аукционда иштирок этган 5 нафар иштирокчидан 124,75 миллиард сўмлик таклиф билан “Хамкор Иншаат” компанияси ғолиб деб топилди. Якуний нарх бошланғич нархдан 65% га ошди.

Бошланғич нархи 75,6 млрд сўм бўлган давлат мулки объекти шаффоф аукцион натижасида 124,7 млрд сўмга сотилди. Онлайн савдо қарийб 1 соат 20 дақиқа давом этди.

Корхоналар ва ташкилотларнинг ягона давлат регистрига мувофиқ Кипрнинг HIMEND LIMITED компанияси (48%) ҳамда учта жисмоний шахс Xamkor Inshaat МЧЖнинг таъсисчиси ҳисобланади.

Қосимлхунов Қобил Саитносирович директор ҳисобланади. Шунингдек, у яна иккита компаниянинг директори ҳисобланади, улардан бири – Era Stroy Group. Бу компания “Лолазор” маҳалласидаги нуқтали қурилиш ишида ҳам қатнашмоқда.