«Google» қидирув тизимини пулли қилишни режалаштирмоқда

Компания сунъий интеллект технологиясидан фойдаланган ҳолда интернет-қидирув хизматлари учун тўловларни жорий этишни режалаштирмоқда.

“Google” ўзининг сунъий интеллект билан таъминланган генератив қидирув тизими, “Gemini”нинг премиум хусусиятлари учун ҳақ олишни кўриб чиқмоқда. Бу ҳақда “Financial Times” хабар берди.

Сунъий интеллект орқали қидирув “Google»нинг хусусий чат-боти “Gemini” сўровлари ва натижаларини қайта ишлашга ишора қилади.

Ҳозирда “Gemini»нинг премиум хизматлари “Gmail” ва “Google Docs” каби бошқа “Google” онлайн маҳсулотларида мавжуд.

Қайд этилишича, анъанавий “Google” қидирув тизими бепул бўлиб қолади, лекин рекламалар унда ҳам, обуна қидирувида ҳам кўрсатилади.