Хокимликлар бинолар бузилганлиги учун тадбиркорлардан 123 млрд сўм қарздор

Источник: Шерзод Асадов/Telegram

Бугунги кунда маҳаллий ҳокимликлар бино ва иншоотларнинг бузилиши бўйича 349 нафар тадбиркордан 123 миллиард сўм қарздор. «Барча вилоят ҳокимларини огоҳлантираман: 1 сентябрга қадар тадбиркорлар билан барча ҳисоб-китоблар якунига етказилиши, бир сўм ҳам қарздорлик қолмаслиги шарт», – деди мамлакат президенти тадбиркорлар билан учрашувда. Бу ҳақда давлат раҳбарининг матбуот котиби хабар беради.

Шунингдек Шавкат Мирзиёев истеъмолчиларнинг 75 фоизи 20 киловаттгача қувватли электр ишлатадиган кичик цехлар, савдо ва умумий овқатланиш корхоналари ҳисобланишини, лекин, уларга ҳам худди йирик корхоналар билан бир хил талаблар қўйилганини қайд этади.

Агар электр таъминоти корхонаси ишларни муддатида якунламаса, улар тадбиркорларга компенсация тўлайди. Ушбу ишлар Давлат хизматлари марказлари орқали ташкил этилиб, мунтазам назорат қилиб борилади.

Энергетика вазирлиги томонидан келгуси йил бошидан ушбу масалада янги, қулай тизим жорий этилади. Бунда электр тармоғига уланиш тўлиқ электрон платформага ўтказилади ва барча жараёнлар бир босқичга туширилади.

If you have found a spelling error, please, notify us by selecting that text and pressing Ctrl+Enter.