ИИББ танишишни хоҳламаган қизнинг автомобилига шикаст етказган йигит билан боғлиқ воқеага изоҳ берди

Тошкентда йигитлар қизларнинг машинасига шикаст етказди, бунга қизларнинг улар билан танишишдан бош тортиши сабабчи бўлган.

Қизларнинг ўзлари машиналари тўсиб қўйилгани ва ойнани уриб, тепа бошлашгани ҳақида айтишмоқда. Улар барча дераза ва эшикларни тўсиб қўйишга муваффақ бўлишган, бу уларни кейинги ҳаракатлардан қутқарган. Йигитлар тажовузкор бўлиб, қизларнинг кетишига йўл қўймаган. Воқеадан кейин қизлар ички ишлар бўлимига ариза ёзишган.

Вазиятга пойтахт ИИББ изоҳ берди. Воқеа 4 август куни соат 00:10 атрофида Юнусобод тумани Амир Темур кўчасида содир бўлган.

Бошқарманинг қайд этишича, 21 ёшли Cobalt ҳайдовчиси М. Х. Gentra русумли автомашинани бошқараётган 24 ёшли Д. Т. билан «жанжаллашган».

Можаро натижасида Cobalt ҳайдовчиси Gentra автомобилига техник шикаст етказган, дейилади хабарда.

Ҳозирда Юнусобод тумани ИИБ ходимлари томонидан текширув ўтказилмоқда, унинг натижаларига кўра қонуний қарор қабул қилинади.