Янги Конституция бўйича референдум қандай ўтмоқда

Эрталаб соат 8:00да республиканинг барча ҳудудлари, шунингдек, хориждаги сайлов участкаларида Конституция бўйича референдум бошланди. Овоз бериш соат 20:00 гача давом этади.

Hook Report нашри Тошкент шаҳрининг Яшнобод туманидаги объектда қоидабузарликлар бўлгани ҳақида ёзади, хусусан:

– бир соат ичида камида 3 та бюллетень паспортнинг асл нусхаси бўлмаган фуқароларга фотосуратига қарамасдан берилди;

– комиссия раиси тақиқни баҳона қилиб, участкада фотосуратга олишга тўсқинлик қилишга ҳаракат қилди. Кузатувчи раисга қонунда тақиқнинг йўқлиги тўғрисидаги бандларини тушунтиргач, фотосуратга олишни давом эттирди;

– участкада мандатсиз бегона шахслар борлиги аниқланди;

– участкада камера ўчирилган экан. “Бизда ҳаммаси қонуний”, деди комиссия раиси. Овоз бериш бошланганидан кейин икки соат ўтиб, шикоят келиб тушган МСК ташкилий бўлимидан қўнғироқ бўлгач, камера ёқилди.