Жиззах вилоятида эркак ўз хотинини уриб ўлдирди

Жиззах вилояти Шароф Рашидов туманидаги уйлардан бирида 25 ёшли аёлнинг жасади топилди. Унинг эри қотилликда гумон қилинмоқда, деб хабар бермоқда Millar дастури.

Марҳуманинг синглисининг сўзларига кўра, уларнинг биргаликдаги ҳаёти давомида эр-хотинлар ўртасида доимо низолар келиб чиққан.

“Уларнинг оиласидаги жанжаллар тугамади. 2022 йилда жиддий можаро юз берди, шундан сўнг опам ота-онамизнинг уйига қайтди. Унга ҳимоя ордери берилди. Биз унинг қандай вафот этганини билмаймиз, лекин уч ёшли ўғли бизга отаси уни таёқ билан урганини айтди”, — деди у.

Маҳалла фаоли вазиятга бўйича изоҳ берган. Унинг айтишича, марҳум яхши аёл бўлган.

“Марҳумнинг эри уларнинг уйи доим тоза бўлса-да, уйни тозаламаганидан шикоят қиларди. Қолаверса, у Телеграм ва «Instagram»да аёлининг кимдир билан ёзишаётганини кўриб, жанжал қилди. Менимча, унинг бу ҳаракатига асосий сабаб рашқ эди”, – дейди маҳалла фаолларидан бири.

Аниқланишича, гумонланувчи турмуш ўртоғини бир неча марта уриб, тан жароҳатлари етказган, кейин эса бўғиб ўлдирган.

Ҳозирда мазкур ҳолат юзасидан вилоят прокуратураси томонидан жиноят иши қўзғатилиб, тергов ҳаракатлари олиб борилмоқда.