Конституция бўйича референдумни ўтказишга давлат бюджетидан 182,3 млрд сўм ажратилди

Референдумда муддатидан олдин овоз бериш жараёни 19−26 апрель кунлари бўлиб ўтади. Бу ҳақда МСК раиси ўринбосари Баҳром Қўчқоров айтиб ўтди, деб ёзади «Газета.uz» нашри.

Референдум кунида ўз яшаш жойида бўлиш имконияти бўлмаганлар муддатидан олдин овоз беришлари мумкин.

Муддатидан олдин овоз бериш бюллетенлари 13 апрелга қадар участка сайлов комиссияларига етказилади.

Референдум 30 апрелга белгиланган. Уни амалга ошириш учун давлат бюджетидан 182,38 миллиард сўм (15,9 миллион долларга яқин) ажратилди.

Референдум тўғрисидаги қонунга мувофиқ, муддатидан олдин овоз бериш учун референдум куни (таътил, хизмат сафари, хорижга чиқиш ва ҳоказо) сабаби кўрсатилган ариза асосида овоз берган сайловчи ўз участка комиссиясидан сайлов бюллетенини олади.

Ҳозирга келиб Ўзбекистонда иккита референдум ўтказилди – биринчиси 1995 йилда ўтказилган, ўшанда сайловчиларнинг 99,6 фоизи президент ваколатларини кенгайтиришни ёқлаб овоз берган. Иккинчиси – конституциявий референдум, президентлик муддатини 7 йилдан 5 йилга қисқартирди, шунингдек, икки палатали парламентни жорий қилди. Қонунга кўра, референдум ўтказиш билан боғлиқ барча харажатлар давлат бюджети ҳисобидан қопланади. Anhor.uz аввалроқ ушбу референдумлар давлат бюджетига қанчага тушганини аниқлашга ҳаракат қилган эди.