Masdar компанияси томонидан Ўзбекистонда учта фотоэлектр станцияси қурилиши учун ЕТТБ 205 млн доллар маблағ ажратди

Европа тикланиш ва тараққиёт банки Абу Дабининг Masdar компаниясига Ўзбекистонда қуввати қарийб 900 МВт бўлган учта янги қуёш электр станциясини қуриш учун 205 миллион доллар миқдоридаги кредит пакетини ажратди. Бу ҳақда «Газета.uz» нашри ёзади.

Ушбу лойиҳалар Осиё тараққиёт банки (ОТБ), Осиё инфратузилма инвестиция банки (ОИИБ) ва Европа инвестиция банки (ЕИБ) каби молиявий институтлар билан бирга молиялаштирилиши кўзда тутилмоқда.

Masdar Жиззах вилоятида номинал қуввати 220 МВт бўлган Nur Jizzakh, Самарқанд вилоятида номинал қуввати 220 МВт бўлган Nur Samarkand ва Сурхондарё вилоятида номинал қуввати 457 МВт бўлган Nur Sherabad фотоэлектр қуёш электр станциясиларини қуриш ва фойдаланишга топширишда ёрдам беради.

Мазкур электр станциялари ишга туширилгандан сўнг, учта лойиҳа биргаликда 2200 ГВт/соатгача электр энергияси ишлаб чиқариши кутилмоқда. Бу эса Ўзбекистонда 1 миллиондан ортиқ хонадонни электр энергияси билан таъминлайди ва йиллик чиқиндиларини 1 223 300 тоннага камайтиради.