Мирзиёев Сердар Бердимухамедовни Туркманистондаги президент сайловларида ғолиб чиққани билан табриклади

Ўзбекистон Республикаси Президенти Шавкат Мирзиёев Туркманистон Президенти Гурбангули Бердимуҳамедовни муҳим сиёсий тадбир – Президент сайлови муваффақиятли ўтказилгани, Туркманистоннинг сайланган Президенти Сердар Бердимуҳамедовни эса сайловда қозонган ишончли ғалабаси билан табриклади. Бу ҳақда Ўзбекистон президентининг матбуот котиби хабар беради.

Туркманистон бош вазирининг ўринбосари Сердар Бердимухамедов амалдаги давлат раҳбари Гурбангули Бердимухамедовнинг ўғли мамлакатнинг сайланган президенти сифатида тан олинди.

Мамлакат МСКнинг маълумотларига кўра, овоз бериш жараёнида кичик Бердимухамедов сайловчиларнинг 72,97% овозини олган. Бошқа номзодлар 1 дан 11,09% гача овозга эга бўлган.

Сердар Бердимухамедовнинг инаугурация маросими 19 март куни Оғузхон Сарой мажмуида ўтказилади.

Сайловларда жами 3 362 052 нафар сайловчи қатнашган, бу рўйхатдан ўтган сайловчиларнинг 97,17% ни ташкил қилади.