Наманганда аллақачон фаолият кўрсатмаётган компания тендерда ғолиб чиқди
Наманган йўллар қурилиши ва уларни таъмирлаш корхонасида 19-24 апрель кунлари бошланғич қиймати 1 миллиард 920 миллион 800 минг сўм бўлган тендер ўтказилди. Daryo нашри лот маълумотларини кузатиб борар экан, тендерда ғолиб чиққан компания аслида ишламаётганини аниқлади.
Давлат хариди 2023 йилда йўл-қурилиш ишларида фойдаланиш учун асфальт-бетон маҳсулотларини харид қилиш мақсадида амалга оширилган. Ғолиб компания маҳсулотларни тендер тугаганидан кейин 20 кун ичида етказиб бериши шарт.
Савдода учта тадбиркорлик субъекти иштирок этган. Комиссия натижаларига кўра, “Raximberdi Logistika” МЧЖ 100 балл билан тендерда ғолиб чиққан. Шартнома суммаси 1 миллиард 881 миллион 600 минг сўмни ташкил этган.
Статистика агентлигининг маълумотларига кўра, “Raximberdi Logistika” 2019 йилда ташкил этилган ва ҳозирда расман ишламаяпти.
Daryo мухбири Наманган йўл қурилиш-таъмирлаш корхонаси ва “Raximberdi Logistika” масъулияти чекланган жамияти билан боғланишга ҳаракат қилди, бироқ улана олмади.
If you have found a spelling error, please, notify us by selecting that text and pressing Ctrl+Enter.
Тавсиялар
АҚШ Украинага 300 км масофали АТАCМS ракеталарини яширинча етказиб берган — Reuters
Эронда ҳукуматга қарши намойишларни қўллаб-қувватлаган рэпер Тумаж Салоҳий ўлимга ҳукм қилинди
Байден Украинага ҳарбий ёрдам тўғрисидаги қонунни имзолади
Қозоғистонда 1500 дан ортиқ ўзбекистонлик фуқаро меҳнат қилмоқда
Мудофаа вазирининг ўринбосари Тимур Ивановнинг ҳибсга олиниши экспертлар орасида кенг муҳокамани келтириб чиқарди
USD
EUR
RUB
Шарҳлар