ОАВ: Ўзбекистон Россияга GM автомобилларини етказиб беришни тўхтатди

Фото с сайта Kun.uz

Eurasianet нашри Америка автомобиль компаниясининг Детройтдаги вакили сўзларига кўра, Ўзбекистон давлат автомобиль ишлаб чиқарувчиси UzAuto Motors  GM  автомобилларини Россияга экспорт қилишни тўхтатди, дея хабар беради. Бу ҳақда “Медиазона” нашри ёзади.

Қайд этилишича, Ўзбекистон 2022 йил 9 мартдан бошлаб Россияга Chevrolet  автомобилларини етказиб беришни тўхтатган.

GM компаниясининг Детройтдаги изоҳидан олдин UzAuto  вакили нашр билан суҳбатда етказиб бериш қисқартирилганини на тасдиқлаган, на инкор этган эди. АҚШ компанияси 30 март куни вазиятга изоҳ берганидан сўнг, UzAuto  Eurasianet нашрига автомобиллар ва эҳтиёт қисмларни жўнатиш учун Россия портларидан фойдаланишни тўхтатганини тасдиқлади. Аммо улар Россияга автомобиль сотишни муҳокама қилишни аввалгидек рад этишди.

Ҳозирча UzAuto Motors  компаниясидан ҳеч қандай изоҳ олишнинг иложи бўлмади.

If you have found a spelling error, please, notify us by selecting that text and pressing Ctrl+Enter.