Open Budget доирасида “Менинг йўлим” дастури бошланди

17 апрель куни Ўзбекистонда ташаббус бюджети доирасида “Менинг йўлим” лойиҳасининг янги мавсуми бошланди. Дастур доирасида фуқаролар ўз маҳаллаларидаги автомобиль йўлларини таъмирлаш ва қуриш лойиҳаларини таклиф этиб, 312 миллиард сўм маблағни тақсимлашда иштирок этишлари мумкин. Бу ҳақда Иқтисодиёт ва молия вазирлигининг матбуот хизмати хабар беради.

Фуқаролар ўз таклифларини қолдириши учун Open Budget порталида рўйхатдан ўтиш, шахсий кабинетдаги «Қўшиш» тугмачасини босиш, ариза шаклини тўлдириш ва юбориш керак.

Ташаббусларни йиғиш 26 апрелгача давом этади. Овоз бериш 27 апрелдан 7 майга қадар давом этади. Лойиҳаларни молиялаштиришга 312 миллиард сўм йўналтирилади.

Эълон қилинган пайтда порталда 905 та маҳалладан 1200 дан ортиқ таклиф рўйхатга олинган.

Аввалроқ  биз Тошкент шаҳрининг Мирзо Улуғбек туманидаги йўллар ҳолати ҳақида фоторепортаж эълон қилган эдик.