Қорақалпоғистонда браконьерлар томонидан Қизил китобга киритилган 14 та жайрон ўлдирилган
12 декабрь куни Экология ва атроф-муҳитни муҳофаза қилиш давлат қўмитасининг Нукус шаҳар, Тахиатош, Тахтакўпир тумани инспекторлари ҳамкорлигида Тахтакўпир туманида экологик ҳуқуқбузарликлар ва жиноятларнинг олдини олиш юзасидан назорат тадбирларини амалга оширган.
Мазкур рейд давомида тахминан соат 14 ларда Тахтакўпир тумани Қўнғироткўл овул фуқаролар йиғини атрофидаги чўл ҳудудида давлат рақамисиз “УАЗ 469” русумли ранги кулранг автомашинасида турган номаълум шахслар инспекторларнинг эътиборини тортган.
Номаълум шахслар инспекторларнинг яқинлашаётганлигини кўриб қолиб, воқеа жойидан қочишди. Инспекторлар тахминан 5 км масофагача уларнинг изидан борди, лекин уларни ушлаш имкони бўлмади, дейилади Давлат экология қўмитасининг хабарида.
Воқеа жойи кўздан кечирилганда отилган патрон гилзаси, идиш-товоқ, хўжалик буюмлари бўлган пичоқ, болта, ёқилғи, кийим-бошлар ҳамда “Қизил китоб”га киритилган 14 дона жайрон, 5 дона ёввойи қуён ташлаб кетилганлиги маълум бўлган.
Ушбу ҳолат юзасидан тегишли тартибда далолатнома тузилиб, воқеа жойи видео тасвирга олинган. Ҳозирда мазкур ҳолат бўйича Орол табиатни муҳофаза қилиш прокуратураси томонидан терговга қадар текшириш ҳаракатлари олиб борилмоқда.
If you have found a spelling error, please, notify us by selecting that text and pressing Ctrl+Enter.
Тавсиялар
Блоггер Фарҳод Манноповнинг ўлимида айбланиб, икки шифокор беш йилга озодликдан маҳрум этилди
ОАВ Украина билан урушда қарийб 81 минг нафар россиялик ҳарбий ҳалок бўлгани ҳақида маълум қилган
Ташқи разведка хизмати: Ғарб Украинадаги низони “музлатиш” ва тинчликпарвар кучларни киритиш имкониятини кўриб чиқмоқда
Украина Жанубий Кореядан 100 млн доллар миқдоридаги илк ёрдамни олди
Украина партизанлари Курск областида Россия дронларини олиб кетаётган автомобилни ёқиб юборди
USD
EUR
RUB
Шарҳлар