Осиё тараққиёт банки Ўзбекистон шаҳарларини ривожлантиришга қарийб 60 миллион доллар ажратади

Осиё тараққиёт банки Ўзбекистонга шаҳарларни ривожлантириш учун пул ажратади, деб  хабар бермоқда Norma нашри.

19 апрель куни ОТБ иштирокида ўтказиладиган “Ўзбекистон шаҳарларини комплекс ривожлантириш дастурини амалга ошириш тўғрисида”ги қарор қабул қилинди. Қарорга кўра, бунинг учун беш йил давомида (2023-2027-йиллар) 59 миллион доллар йўналтирилади.

Маблағ қуйидагиларга ажратилади:

— шаҳар инфратузилмаси ва хизматларини яхшилашга — 24 миллион доллар;

— сув таъминоти ва сув чиқариш тизимларини реконструкция қилишга — 19,2 миллион доллар;

— қаттиқ маиший чиқиндиларни бошқаришга — 6,5 миллион доллар;

— ва институционал салоҳиятни ривожлантиришга — 6 миллион доллар;

— молиявий харажатлар ва бошқа тўловларга — 3,1 млн.

Лойиҳа Жиззах, Хива, Янгиер ва Сирдарё вилоятининг Ховос туманида амалга оширилмоқда.

Хивада кўп тармоқли туристик марказ қуриш, Жиззах шаҳрида учта маҳаллани ободонлаштириш ва сув таъминоти ва канализация тизимини реконструкция қилиш, Сирдарё вилоятида қаттиқ маиший чиқиндиларни ташиш станцияларини қуриш режалаштирилган.