Sevimli телеканалининг икки ходими “Сабрия” сериалининг намойиши учун ўз лавозимидан маҳрум бўлди

Sevimli телеканалининг эфирида қизни зўрлашга уриниш саҳнаси акс этган телесериал кўрсатилди. Миллий масс-медиани қўллаб-қувватлаш ва ривожлантириш жамоат фонди раисининг ўринбосари, Ўзбекистонда Гендер тенглиги бўйича комиссия аъзоси Саида Мирзиёева “бундай сериаллар гендер тенглиги ривожланишига шаксиз тўсқинлик қилишини” билдирди.

20 январь куни телеканал муассисларининг умумий йиғилиши ўтказилди. Хусусан, йиғилиш қарори билан телеканал бош директори вазифасини бажарувчи А.Ходжаев ва бош муҳаррир К.Сайдалиев эгаллаб турган лавозимларидан озод этилди. Телеканал бош директори этиб НАЭСМИ бош директори лавозимини эгаллаб турган Ж.Сафоев тайинланди.

Йиғилишда чиқар экан Кинематография агентлигининг бош директори Фирдавс Абдуҳолиқов “Сабрия” сериалининг бадиий савиясини танқид қилди: “Биз телетомошабинлар ва жамоатчиликдан узр сўраймиз. Янги тайинланган бош директор нафақат сериаллар учун, балки телеканал медиамаҳсулотининг бутун ғоявий-бадиий таркибий қисми учун ҳам шахсан масъул бўлиши керак. Бундай вазиятларга йўл қўймаслик ва телеканал контентини томошабинлар аудиториясининг талабларига мувофиқ даражага кўтариш учун тадбирлар режасини ишлаб чиқиш ва жорий этиш жуда муҳим”.