Шавкат Мирзиёев: «Дунё кун сайин эмас, соат сайин таҳликали бўлиб боряпти»

Источник: president.uz

Шавкат Мирзиёев Қорақалпоғистоннинг Беруний туманида қуввати 100 МВт бўлган шамол электр станцияси қурилишига тамал тошини қўйиш маросимида иштирок этар экан, Ўзбекистон иқтисодиёти ва мудофаасини мустаҳкамлаш кераклигига тўхталиб ўтди, деб ёзади “Газета” нашри.

«Дунё кун сайин эмас, соат сайин таҳликали бўлиб боряпти. Биз иқтисодиётимиз, мудофаамизни мустаҳкам қилиб, ишонч билан жонажон ватанимизнинг қудратини кўтаришга ҳаракат қилишимиз керак», — дея иқтибос келтиради давлат раҳбарининг сўзларидан журналист Азиза Қурбонова.

У шунингдек, ерлардан унумли фойдаланилмаётганини танқид қилган. Унинг сўзларига кўра, Қорақалпоғистон ери 2 миллион халқни бемалол боқа олади, аммо бунинг учун ақл ва изланиш билан, инновация билан ундан фойдаланиш керак.

«Неча йиллар давомида бу ер энергетика танқислигини бошдан кечиряпти. Нега биз бунга кўп эътибор беряпмиз? Агар биз катта корхоналар қурмоқчи бўлсак, келадиган инвестор ҳам инфратузилманг борми, газинг, сувинг, йўлинг, темир йўлинг, аэропортинг борми деб сўрайди. Коррупция бўлмайдими, деб савол беради?» — деди президент.

 

If you have found a spelling error, please, notify us by selecting that text and pressing Ctrl+Enter.