Тарих фанлари номзоди Шоштепа ёдгорлигида консервация бўйича ишлар бошланмаганини маълум қилди

Тарих фанлари номзоди, таниқли тарихчи ва археолог Маргарита Филанович Тошкент шаҳар ҳокимлиги йил охиригача якунлашни ваъда қилган машҳур пойтахт обидаси бўлган Шоштепани консервациялаш ишлари ҳали бошланмаганини айтди, деб ёзади Podrobno.uz нашри.

Эслатиб ўтамиз, айнан Филанович ўз вақтида Шоштепа ёдгорлигини кўздан кечирар экан, Тошкентнинг ёши 2200 йил эканлигини аниқлаган ва унинг кашфиёти Ўзбекистон пойтахти юбилейини нишонлашга асос бўлиб хизмат қилган эди.

“Шоштепа, Минг ўрик, Оқтепа. Бу ёдгорликларни сақлаб қолиш – қайта қуриш ва муҳофаза қилиш керак. Шоштепа ёдгорлиги бутун бир уй-жой мавзесининг ноқонуний қурилишининг тебраниши туфайли ярим қулаб тушди, у қулашда давом этмоқда. Ҳоким консервация бўлади, усти ёпилади, деган қарор чиққан, деб ваъда берди. Лойиҳани туздик, кўп марта тасдиқладик ва имзоладик, ноябрь ойида улар менга лойиҳанинг техник топшириғини олиб келишди, унда лойиҳа 2021-йилда бошланиб, тугаши керак, деб ёзилганди. Аммо мана декабрь ойи ҳам ўтмоқда ”, – дея қайд этди Филанович ижтимоий тармоқлардаги ўз чиқишида.

Мутахассиснинг огоҳлантиришича, ёдгорлик яна қишда қор ва ёмғир остида қолади.

“Бу илм-фан ва жамоатчилик нуқтаи назаридан жиноят, уни яна нима деб аташ мумкин!?”,- дея ғазабланди Филанович .

Маълум бўлишича, ҳоким таклиф қилган лойиҳани амалга ошириши керак бўлган компанияда тегишли лицензия йўқ.

“Худо хайрингизни берсин, одамларни кўтаринг! Тошкентнинг бу бойликларини сақлаб қолишимиз керак! Ҳеч бир пойтахтда 2000-2200 йиллик ёдгорликлар мавжуд эмас. У ерда устунларни ўрнатиш учун чуқур қазишди, ҳозир эса қўшни мавзенинг болалари бу ерда картошка пиширишади! ” – деб, шикоят қилади эксперт.

Фанлар номзоди ушбу обидаларнинг аҳамиятини тушунган тошкентликларнинг ватанпарварлик туйғуларига ва уларни асраб-авайлашда ёрдам беришга отланишларига умид қилади.

Жорий йилнинг февраль ойида UzReport  телеканали кўҳна шаҳар устидан гумбаз қурилиши бошлангани ҳақида хабар берган эди.