Тошкент туманлари учун электр энергиясини режали ўчириш жадваллари тузилди

Источник: unsplash.com

Тошкент шаҳри туманлари бўйича электр энергиясини режали ўчириш жадваллари тузилди. Шу билан бирга, истеъмолчилар фавқулодда вазиятлар ёки таъмирлаш ишлари олиб борилган тақдирда, жадвалдан ташқари ўчиришлар ҳам бўлиши мумкинлиги ҳақида огоҳлантирилди, деб ёзади “Новости Узбекистана” нашри.

“Ҳудудий электр тармоқлари” корхонасининг тушунтиришича, кескин совуқлар энергия манбаларига, жумладан, электр энергиясига бўлган эҳтиёжнинг сезиларли даражада ошишига олиб келди. Умумий энергия тизимида катта аварияларнинг олдини олиш учун диспетчерлик хизматлари истеъмол балансини сақлаши керак.

Соҳа ходимлари зиммасига истеъмол кўпайган даврда аҳоли ва ижтимоий соҳа объектларини барқарор электр энергияси билан таъминлаш вазифаси қўйилган. Уни амалга ошириш учун туманлар ҳокимлари билан келишилган ҳолда электр энергиясини етказиб беришда қисқа муддатли чекловлар жорий этилмоқда.

Компаниянинг таъкидлашича, режали ўчириш жадваллари фақат фавқулодда вазиятларда, кучли совуқлар ва истеъмол кўпайиши вақтида аварияларнинг олдини олиш учун амал қилади.

Шу билан бирга, тармоқлар ва кичик станцияларда бахтсиз ҳодисалар ёки режали таъмирлаш ишлари олиб борилганда қўшимча узилишлар содир бўлиши мумкин.

Туманлар бўйича ўчиришлар жадвали pdf форматда:

Миробод тумани

Сирғали тумани

Учтепа тумани

Шайхонтоҳур тумани

Яшнабод тумани

Янгиҳаёт тумани

Бектемир тумани

Чилонзор тумани

Олмазор тумани

Яккасарой тумани

Мирзо Улуғбек тумани

Юнусобод тумани

 

If you have found a spelling error, please, notify us by selecting that text and pressing Ctrl+Enter.