Тошкент вилоятида икки “жин қувувчи” 2,5-3 йилга озодликдан маҳрум қилинди

Тошкент вилоятининг Оққўрғон туманида яшовчи икки фуқаро “жин қувиш” маросимида бир аёлни ўлдириб қўйганликда айбланиб, уч йилгача муддатга озодликдан маҳрум этилди.

Суд қарорига кўра, 2023 йилнинг июнь ойида икки фуқаро 42 ёшли аёлни «коинотлар бекаси» эканлигига ишонтириб, маълум пул эвазига “жин қувиш” маросимини ўтказишни таклиф қилган. Ўз имкониятларига ишонган аёл бунга рози бўлади, чунки гумондорлар авваллари унинг неврологик касалликлар билан оғриган онаси билан ҳам худди шундай маросимларни ўтказишган.

Маросимнинг давомийлиги бир соатдан ошган. Даставвал, жабрланувчининг устида дуолар ўқилган, сўнгра вазиятнинг шошилинчлигини тушунтириб, занжирлар, болғалар ва қозиқлар ишлатилган. Сессияда жабрланувчининг яқинлари ҳам иштирок этган. “Маросим” натижасида аёл кўп сонли қовурға синиши ва ички қон кетишидан вафот этган.

Суд гумондорларни фирибгарлик ва эҳтиётсизликдан одам ўлдиришда айбдор деб топди. Маросим иштирокчиларидан бири икки ярим йилга, иккинчиси эса уч йилга озодликдан маҳрум этилди.