Тошкентда суд ўқувчи қизларга шилқимлик қилгани учун мактаб руҳшуносини 2 йилга ҳукм қилди

Тошкентда Жиноят ишлари бўйича Миробод туман суди мактаб руҳшуноси Азад Гасановни вояга етмаганларга нисбатан ноўрин хатти-ҳаракатлари учун икки йилга манзил-колонияга ҳукм қилди, деб ёзади “Медиазона” Nemolchi.uz лойиҳасига таянган ҳолда.

Қайд этилишича, жазо муддати гумондор қамоққа олинган 26 апрелдан бошлаб ҳисобланади. Nemolchi.uz лойиҳаси администраторларининг таъкидлашича, шу муносабат билан 26 октябрда, муддатининг чорак қисми ўтиб кетганидан сўнг, Гасанов судга мурожаат қилиб, шартли-муддатидан олдин озодликка чиқишни сўраши мумкин.

Шунингдек, Гасанов иши бўйича Тошкент суди томонидан тайинланган жазо энг юқори бўлгани, чунки бу жиноят катта хавф туғдирмаслиги таъкидланган.

Пойтахтдаги 158-мактабнинг учинчи ва бешинчи синф ўқувчиларининг ота-оналари шу йилнинг апрель ойида мактаб руҳшуноси Гасанов томонидан фарзандларига нисбатан шилқимлик қилингани ҳақидаги мурожаатлари эълон қилинган эди. Орадан бир неча кун ўтиб, ўқитувчи ишдан бўшатилди ва унга нисбатан жиноий иш очилди.

Бу Ўзбекистон таълим муассасаларида содир бўлаётган биринчи шундай ҳодиса эмас. Ўтган йилнинг ноябрь ойида Тошкент суди жисмоний тарбия ўқитувчисини ўн олти ёшга тўлмаган шахс билан жинсий алоқада бўлганликда айблаб, тўрт йилга озодликдан маҳрум қилган эди. Ўқитувчининг бу жиноятда қатнашган яна икки дўсти эса икки йиллик қамоқ жазосига ҳукм қилинган.

Бироқ август ойи бошида уларнинг учаласи ҳам шартли равишда муддатидан олдин озодликка чиқарилган. Шундай қилиб, улар ҳибсда бир йилдан сал кўпроқ вақтни ўтказган. Шунингдек, Nemolchi.uz маълумотларига кўра, эркаклардан бири тиббий марказга регистратор бўлиб ишга кирган, у ерда бошқалар қатори болаларга ҳам хизмат кўрсатилади.