Тошкентда уч қаватли бино ўрнига 12 қаватли бино барпо этилди

Тошкент шаҳрининг Учтепа туманида Max group house қурилиш компанияси томонидан уч қаватли савдо-маиший мажмуасининг қурилиши бошланди. Бироқ келишилган лойиҳага қарамай, компания ноқонуний равишда яна қўшимча 10 қаватни қурган. Бу ҳақда Қурилиш вазирлигининг матбуот хизмати хабар беради.

Қурилиш-монтаж ишлари бошланиши тўғрисидаги билдиришнома назорат инспекциясига 2021 йилда юборилган. Уч қаватли бинонинг дастлабки лойиҳаси Тошкент шаҳар бош қурилиш бошқармаси билан келишилган. 2021 йилда объектда лойиҳада кўзда тутилмаган қўшимча қаватлар қурилгани аниқланди.

Айни пайтда қурилиш ишлари тўхтатилиб, корхона раҳбари Маъмурий жавобгарлик тўғрисидаги кодекснинг 99-моддаси (шаҳарсозлик тўғрисидаги қонун ҳужжатларини бузиш) билан маъмурий жавобгарликка тортилган. Суд ҳокимияти қўшимча қаватларни бузиш тўғрисида даъво аризасини тақдим этган.