Тошкентда ўқувчи қизни зўрлашга уринган мусиқа ўқитувчиси қамалди

Ўтган йил август ойида Тошкентда кекса мусиқа ўқитувчиси вояга етмаган ўқувчи қизга нисбатан ахлоқсиз ҳаракатларни амалга оширганди.

66 ёшли A.С. 12 ёшли қизга икки йил давомида репетиторлик хизмати кўрсатган.

У қизга нисбатан ахлоқсиз ҳаракатларни қилиб келган ва охирги марта уни зўрлашига сал қолган. У ўқиш даврида қизнинг тўлиқ ишончини қозонган, қизнинг  оиласига ташриф буюрган, чўқинтирган ота бўлишни хоҳлаган. Аввалига қиз ота-онаси билан дарсга борган, бироқ шу йилнинг март ойидан бошлаб ёлғиз шуғулланган — оиласи ўқитувчига ишонган ва у бундан фойдаланган, – дейилади хабарда.

Жиноят ишлари бўйича Миробод туман суди A.С.гa нисбатан ҳукм чиқарди, дея хабар беради пойтахт судлари матбуот хизмати.

Фуқаро Жиноят кодексининг 119-моддаси 4-қисми (жинсий эҳтиросни ғайритабиий шаклда мажбурлаб қондириш) билан айбдор деб топилди. У саккиз йилга озодликдан маҳрум этилди, энди у жазо муддатини умумий режимдаги колонияда ўтайди.