Туман сабабли Ўзбекистондаги иккита аэропорт ўз фаолиятини чеклади
Бугун эрталаб Наманган ва Андижон аэропортларида кўриш ёмонлиги сабабли самолётлар учолмаган ва қўнолмаган. Кучли туман сабаб (кўриш даражаси – 50 метрга яқин) Қозондан учиб келган “Урал” авиакомпаниясининг SVR2161 рейси соат 08:48 да Наманганда қўнолмади ва Тошкентдаги захира аэродромга учиб кетди, дея хабар беради Uzbekistan Airports компанияси.
Яна бир HY9620 рейси ҳам об-ҳаво шароитлари сабабли Наманганда қўнолмади ва Фарғонадаги захира аэродромга учиб кетган.
Худди шундай вазият Андижон аэропортида ҳам кузатилган. Москвадан учиб келган Uzbekistan Airways компаниясининг HY-622/621 рейси 10:45 да қўнолмасдан Фарғонадаги захира аэродромга учиб кетишга мажбур бўлган.
Метеорология хизматининг маълумотларига кўра, ушбу аэропортлар соат тахминан 14:00 гача об-ҳаво шароитлари муносабати билан ёпиқ бўлади. Барча рейслар яқин захира аэродромларга йўналтирилади.
If you have found a spelling error, please, notify us by selecting that text and pressing Ctrl+Enter.
Тавсиялар
Солиқ ва МИБ ходимлари ҳамда адвокатнинг ноқонуний ҳаракатларига чек қўйилди
Грузияда “хорижий агентлар” тўғрисидаги қонунга қарши намойишлар давом этмоқда (Фото)
Андижонда Nexia-3 ҳайдовчиси 63 ёшли аёлни уриб юборди
Оқ уй яна Россиянинг коинотга ядро қуроли жойлаштириш режалари ҳақида маълум қилди
Марказий банк асосий ставкани йиллик 14 фоиз даражасида ўзгаришсиз қолдирди
USD
EUR
RUB
Шарҳлар