Урганчда бош майдон остидан ер ости магистрали ўтказилди

Источник: хокимият Хорезмской области

Урганч шаҳрининг қоқ марказида қурилган замонавий ер ости магистрали фойдаланишга топширилди. Туннелнинг узунлиги 500 метрни, кенглиги эса 17 метрни ташкил қилади. Ўтказиш қобилияти – соатига 3200 автомобиль. Бу ҳақда Regnum Хоразм вилоят ҳокимлигига таянган ҳолда хабар беради.

«Айтиш жоизки, бундай ер ости магистрали Хоразмда ва умуман Ўзбекистонда илк бор барпо этилди, унинг қурилишида Буюк Британия мутахассислари ҳам қатнашди», — дейилади хабарда.

Туннел қурилиши натижасида ушбу чорраҳадаги автомобиль тиқилинчлари бартараф этилган, йўл-транспорт ҳодисаларининг олди олинган ҳамда пиёдаларнинг хавфсиз ҳаракатланиши таъминланган.

«Шунингдек ҳар куни ўртача 30 000 йўловчига хизмат кўрсатган ҳолда туннел бўйлаб 200 дан ортиқ автобус ва йўналиш таксилари ҳаракатланади», — дейилади хабарда.

If you have found a spelling error, please, notify us by selecting that text and pressing Ctrl+Enter.