Uzbekistan Airways Ўзбекистон бўйлаб қўшимча авиақатновларни йўлга қўмоқда

Uzbekistan Airways авиакомпанияси Ўзбекистон бўйлаб қўшимча авиақатновларни йўлга қўмоқда. Бу ҳақда компания матбуот хизмати хабар бермоқда .

«Олий таълим муассасалари, профессионал ва касб-ҳунар талабалари учун тақдим этилган чегирмаларни ҳисобга олган ҳолда 23−29 декабрь кунлари оралиғида қуйидаги йўналишларда қатновлар жорий этилади», – дейилади хабарда.

• Тошкент — Бухоро — Тошкент — 23, 25, 26, 29 декабрь;
• Тошкент — Нукус — Тошкент — 23, 24, 29 декабрь;
• Тошкент — Термиз — Тошкент — 23, 25 декабрь;
• Тошкент — Фарғона — Тошкент — 25 декабрь;
• Тошкент — Урганч — Тошкент — 25, 26, 27, 28, 29 декабрь;
• Тошкент — Қарши — Тошкент — 27 декабрь;
• Тошкент — Наманган — Тошкент — 29 декабрь.

Парвозлар жадвали билан Uzbekistan Airways Sales филиалида, авиакомпания агентларида ва веб-сайтда танишиш ҳамда авиачипталарни харид қилиш мумкин.

Талабалар учун мўлжалланган чегирмали авиачипталарни харид қилиш учун Uzbekistan Airways Sales филиалига ёки авиакомпания агентларига мурожаат қилишингиз ва давлат университетида ўқиётганингизни тасдиқлайдиган ҳужжат ёки QR кодга эга бўлишингиз керак.