Вакцинация ҳақидаги сертификатни ЯИДХП орқали олиш мумкин

Ягона интерфаол давлат хизматлари порталида (ЯИДХП) COVID-19 га қарши вакцина олишга электрон навбатга ёзилиш имкониятидан ташқари, вакцинация процедурасидан тўлиқ ўтганлик ҳақида сертификатни ҳам олиш мумкин. Бу ҳақда Ахборот технологиялари ва коммуникацияларни ривожлантириш вазирлиги хабар беради.

«COVID-19 қарши эмлаш босқичларидан тўлиқ ўтган шахслар махсус сертификат билан давлат муассасалари, овқатланиш жойлари ва оммавий тадбирларга ташриф буюришлари мумкин», – дейилади хабарда.

Шунингдек ушбу хизматдан Ягона портал мобил иловаси орқали ҳам фойдаланиш мумкин.