Wunder Digital Ўзбекистон банклари сайтларининг излаш тизимларида кўриниш рейтингини эълон қилди

Wunder Digital инновацион digital-хаби Google ва Yandex қидирув тизимларида Ўзбекистон банклари веб-сайтларининг кўриниш рейтингини тайёрлади. Бу банкларга сайтни оптималлаштириш ишларини амалга ошириш имконини беради ва мижозларга ким маълум бир сўров учун энг яхши маҳсулот ёки ечимни таклиф қила олишини аниқлашга ёрдам беради.

Тадқиқот тавсифи

Банклар рейтинги бир неча босқичда тузилган. Аввало, таҳлилчилар банк мавзуси ва калит сўзлардаги семантик ядрони тўплаган. Кейин 312 нафар фойдаланувчининг сўрови таҳлил қилинган.

Интернет-банкинг билан боғлиқ сўровлар чиқариб ташланди, чунки фойдаланувчилар ўз банкларини шу тарзда қидиради. Шунингдек, валюта курслари бўйича сўровлар ҳам чиқариб ташланди: бу сўров бўйича чиқаришнинг ўзига хос хусусиятлари билан боғлиқ: энг яхши 10 таликка асосан индивидуал агрегаторлар ва биржалар киради.

Таҳлилчилар Ўзбекистондаги ҳар бир сўров бўйича қидирув натижаларига кўра топ 100 та сайтни таҳлил қилишди. Google ва Яндексда сайтнинг кўринишини ҳисоблаш учун экспертлар қидирув тизимининг «салоҳияти»ни ҳисобга олган ҳолда умумий кўриниш формуласидан фойдаланган. Яндекснинг салоҳияти 11,9% ни, Google’ники эса – 88,1% ни ташкил қилади.

Умумий кўриниш бўйича банк рейтинги

Рейтингнинг биринчи қаторида SQB жойлашган: у 50,45% кўринишга эга. Иккинчи ўринда Ipak Yo’li банки – 39,71% кўринишга эга (бир йил аввал, 2022 йилнинг биринчи чорагида банк рейтингда етакчи бўлган). Учинчи ўринда Ipoteka Bank, у 36,50% кўринишга эга.

Google’да кўриниш бўйича банклар рейтинги

Google қидирув тизимида сайт кўриниши рейтингида биринчи беш қатор ўзгаришсиз қолди. Демак, SQB, Ipak Yo’li Bank, Ipoteka Bank, Tenge Bank ва Hamkorbank фойдаланувчиларга тез-тез кўринади.

Яндексда кўриниш бўйича банклар рейтинги

Google маълумотлари бўйича рейтинг ва умумий рейтингга нисбатан Yandex қидирув тизимида банклар сайтларининг кўриниши рейтингида сезиларли ўзгаришлар мавжуд. Бу ерда энг яхши 5 та сайт қуйидагилар.

Hamkorbank 51,8 фоизлик кўрсаткич билан биринчи ўринга кўтарилди. NBU  эса иккинчи ўринда: у 44,4% га эга. SQB 29,73% билан учинчи ўринга тушди. Умумий рейтинг ва Google рейтингида иккинчи ва учинчи ўринларни эгаллаган Ipak Yo’li Bank ва Ipoteka Bank мос равишда бешинчи ва тўртинчи ўринларга тушиб кетган.

Қисқа хулосалар:

• СҚБ деярли барча тоифалар бўйича етакчи бўлди ва 29,73% дан 53,25% гача кўринишни кўрсатди. Қолган банклар 44,4% гача кўринишга эга (Яндекс қидирув тизимида Hamkorbank).
• 30 та банкдан 8 таси қидирув тизимларида ноль кўринишга эга: фойдаланувчилар тегишли сўров билан чиққанида, уларни кўрмайди.
• Банкларнинг ярмидан кўпи 0% дан 1% гача кўринишга эга: фойдаланувчилар қидирув тизимида сўров берганида, ушбу банкларнинг хизматларини топиш қийин.

Бундан келиб чиқадики, рейтингнинг энг қуйи поғонасида жойлашган банклар ўз сайтларидаги қидирув бўйича чиқиши устида ишлашлари керак.