Ўзбекистонда апрель ойининг биринчи дам олиш кунлари ёмғир ёғиши мумкин

5-апрелдан 8-апрелгача Ўзбекистон бўйлаб ёмғир ёғиб, момақалдироқ бўлиши кутилмоқда. Бу ҳақда Ўзгидромет хабар бермоқда.

Республиканинг барча вилоятлари ва Қорақалпоғистонда ҳаво бироз булутли бўлади. Республика бўйлаб вақти-вақти билан ёмғир ёғиб, момақалдироқ бўлиши мумкин. Айрим туманларда ёғингарчилик кузатилмайди.

Кундузи 20-25 даража илиқ, кечаси эса 5-10 даража илиқ бўлиши кутилмоқда.

Тоғли ҳудудларда кучли ёмғир ёғиши ва қор кўчкиси хавфи мавжуд, бироқ 7-8 апрель кунлари ёғингарчилик кутилмайди.