“Ёшлар дафтари”даги ёшларга кўрсатиладиган ёрдам турлари 30 тага етди

Жорий йилда “Ёшлар дафтари” орқали ёшларга кўрсатиладиган ёрдам турлари 30 тага етказилди, деб хабар бермоқда Ёшлар ишлари агентлиги ахборот хизмати раҳбари Нодир Абдуқодиров.

• Январь-март ойларида 9 452 та маҳаллада 8,3 миллион нафар “ёшлар баланси” шакллантирилиб, уларнинг қизиқиши, қобилияти ва таклифларини амалга оширишга қаратилган “Ёшлар омбор китоби” ишлаб чиқилган.
• Жорий йилда ёшлар етакчилари тавсияси билан 8563 нафар ёшга 34,1 млрд сўмлик ижтимоий-иқтисодий кўмак кўрсатилган.
• “Ёшлар баланси” асосида жорий йилда 814 минг нафар ёшлар бандлигини таъминлаш бўйича зарур чора-тадбирлар белгиланган.
• Ушбу масалаларни амалга ошириш учун ҳар бир маҳалла кесимида “фуқаробай” “Ёшлар бандлиги дастурлари” ишлаб чиқилган.
• Шу йил бошидан хорижий тил, замонавий касб ва «IT»га ўқитиш мақсадида ҳудудлардаги 100 та хусусий ўқув марказлари орқали 1 500 нафар ёшларнинг ўқиш харажатларини қоплаш учун 3,5 млрд сўм маблағ ажратилган.