Ўзбекистон 2023 йил 1 январдан бошлаб Саудия Арабистони фуқаролари учун визасиз режимни жорий этмоқда

2023 йил 1 январдан бошлаб Ўзбекистон ҳудудига кирган кундан эътиборан 30 кунлик муддатга ўз ёки учинчи мамлакат авиачиптасини тақдим қилган Саудия Арабистони Подшоҳлиги фуқаролари учун визасиз режим жорий қилинади.  Бу Ўзбекистон президентининг 16 августдаги [ПФ-190-сон] фармонида акс этган, деб ёзади “Газета” нашри.

Қайд этилишича, фармон Ўзбекистон ва Саудия Арабистони Подшоҳлиги ўртасида маданий, илмий ва инвестициявий иқлимни яхшилаш, шунингдек, мамлакатларнинг туристик салоҳиятини ривожлантиришга ижобий таъсир кўрсатадиган халқаро муносабатларни ривожлантириш учун янада қулай шарт-шароитларни яратиш мақсадида қабул қилинмоқда.

Ҳозир Саудия Арабистони фуқаролари учун туристик визаларни расмийлаштиришнинг соддалаштирилган тартиби мавжуд давлатлар рўйхатига киритилган. Бундан ташқари, ушбу давлат фуқаролари Ўзбекистонга визасиз транзит кириш, вақтинча бўлиш ва Ўзбекистондан чиқиш ҳуқуқига эга.