Ўзбекистон Афғонистонга электр энергияси экспортини 60% га қисқартирди

Ўзбекистон Афғонистонга электр энергияси экспортини 60 фоизга қисқартирди. Бу ҳақда “Спутник” нашри маҳаллий Da Afghanistan Breshna Sherkat (DABS) энергетика компаниясига таянган ҳолда хабар беради.

Бунга Ўзбекистон томони ҳеч қандай розиликни олмагани қайд этилади.

«Ўзбекистон бизга <…> улар устида иш олиб бораётган техник муаммо борлигини, натижада Афғонистонга экспорт қилинадиган электр энергияси етказиб бериш қисқарганини айтди. Улар муаммо икки-уч кун ичида ҳал бўлишини маълум қилишди»,  дейилади DABS маълумотида.

Электр энергияси импортининг қисқариши Афғонистоннинг 16 вилоятида электр таъминотида узоқ муддатли узилишларга олиб келган.

Афғонистон Саноатчилар уюшмаси раҳбари Жаббор Сафийнинг айтишича, электр таъминотидаги узилишлар корхоналар тўхтаб қолишига олиб келиши мумкин.

Аввалроқ DABS Ўзбекистон билан 2022 йилга электр энергиясининг импорти ҳақида келишув имзолангани ҳақида маълум қилганди. Шартномага кўра, Афғонистон томони йилига 2 млрд киловатт-соат электр энергиясини олиши керак. Келишувнинг умумий қиймати қарийб 100 млн долларни ташкил қилган. Афғонистонга етказиб бериладиган электр энергиясининг ярми Ўзбекистон, Тожикистон ва Туркманистонга тўғри келади. Мамлакат ғарби энергияни, жумладан, Эрондан ҳам олади.

Қайд этиб ўтамиз, Афғонистонда миллий энергетика тизими деярли йўқ, маҳаллий электр энергиясини ишлаб чиқариш эса асосан гидроэлектрстанцияси ҳисобидан амалга оширилади, 2021 йилда у қурғоқчилик сабабли зарарланганди.