Ўзбекистон дипломатик миссияси Мариуполдан юк машиналари ҳайдовчиларини эвакуация қилиш масаласини ҳал қилди

Ўзбекистон дипломатик ваколатхоналари томонидан ушбу ватандошларни ҳарбий ҳаракатлар бўлаётган ҳудудлардан эвакуация қилиш масаласи муваффақиятли ишлаб чиқилган, уларга ҳар томонлама ҳуқуқий ёрдам кўрсатилган. Бу ҳақда Ўзбекистон ТИВ матбуот котиби хабар беради.

«Айни пайтда Ўзбекистон фуқаролари Ватанга қайтмоқдалар», – дейилади хабарда.

“Sputnik” нашрининг хабарига кўра, Мариуполда “Азов” – украин миллатчилари батальони жангарилари Ўзбекистондан келган юк машиналарини тортиб олган. Беш нафар ҳайдовчилар 4 та юк автомобилида 13 февраль куни Ўзбекистондан Украина томон йўлга чиқишган. Юк машиналарида рух моддаси бўлган. Улар Белгород орқасли Россия – Украина чегарасини кесиб ўтиб, Харьков, Запорожьедан ўтиб Мариупольга 23 февраль куни етиб келишган.

Ҳайдовчилар журналист Андрей Руденкога берган интервьюсида айтишларича, Мариуполдаги Ильич номидаги темир-пўлат заводида 24 февраль куни уларнинг автомобилларидан юклар туширилиши ва божхона ҳужжатлари расмийлаштирилиши керак эди. Лекин фураларнинг иккитасининг юки туширилган, қолган ишлар кечиктирилган.

«Шундан сўнг 3-4 кун ўтиб завод ҳудудига “Азов” батальони жангчилари келишган. Юк автомобилларидан иккитасини тортиб олишган. Орадан 4-5 кун ўтиб қолган икки автомобилнинг аккумуляторларини ечиб олишган ва ёқилғисини қуйиб олишган», – дея қайд этади нашр.

Ҳайдовчиларнинг сўзларига кўра, улар комбинат ҳудудида 23 кун бўлишган.

«Улар ҳатто бошқа давлат фуқаролари эканлиги ҳам жангарилар учун аҳамиятга эга бўлмаган».

Кейинроқ эса уларга украин ҳарбийлари “яхшиси бу ердан кетинглар, ёмон солдатлар келади” деб огоҳлантирганидан сўнг ҳайдовчилар завод ҳудудидан яқин қишлоқ томон қочишга ва у ердаги уйларда 9 кун давомида яширинишга мажбур бўлишган. Маҳаллий аҳоли уларга ёрдам берган ва ДХР ҳудудига ўтказиб қўйган.

«ДХР ҳудудида уларни аскарлар кутиб олган ва хавфсиз жойга жойлаштиришган ва яқин вақт ичида Ўзбекистонга жўнатиш чоралари кўрилмоқда», – дея хулоса қилади нашр.