Ўзбекистон Henley & Partners паспортлар рейтингида тўрт поғона кўтарилди

Источник: Henley Passport Index

Япония яна Henley & Partners компаниясининг энг «кучли» паспортига эга давлатлар рейтингида биринчи ўринни эгаллади. Бу ҳақда Spot компания матбуот хизматига таянган ҳолда ёзади.

2023 йилнинг биринчи чорагида Япония фуқаролари 193 та давлат ва ҳудудга маҳаллий ҳокимиятни олдиндан огоҳлантирмасдан кириши мумкин. Улар учун виза умуман талаб қилинмайди ёки уни кириб келгандан кейин олиш мумкин.

Иккинчи ўринни 192 та «визасиз» давлат билан Жанубий Корея ва Сингапур бўлиб олди.

Ўзбекистон ўтган йилнинг учинчи чорагига нисбатан тўрт поғонага юқорилаб, 85-ўринни эгаллаб, охирги ўринларга яқин жойда қолмоқда, бироқ бу бошқа мамлакатлар позицияларининг ўзгариши ҳисобига содир бўлди. Ҳисобот даврида Ўзбекистон визасиз саёҳат бўйича келишувлар тузмаган.

Ўзбекистон паспорти деярли барча постсовет мамлакатлариникидан орқада. Грузия 50-ўринда (116 мамлакат), Беларусь 68-ўринда (78), Қозоғистон 70-ўринда (76), Озарбайжон 76-ўринда (70), Арманистон 79-ўринда (66) бормоқда. Қуйида фақат Туркманистон жойлашган.

Рейтингнинг юқори қисмида Европа давлатлари кенг тақдим этилган. Хусусан, Германия ва Испания 190 мамлакат билан учинчи ўринни бўлиб олган, Италия тўртинчи (189), Австрия бешинчи (188), Португалия олтинчи (187) ўринни эгаллаган.

Аутсайдерлар рўйхати деярли ўзгармади – охирги 109-ўринни «визасиз» 27 давлат билан Афғонистон эгаллаб турибди. Шунингдек, рейтингнинг энг қуйи поғоналаридан Ироқ, Сурия, Покистон ва Яман жой олган.

Собиқ СССР давлатларидан энг «кучли» паспортларни Европа Иттифоқининг Болтиқбўйи республикалари – Литва, Латвия ва Эстония таклиф қилмоқда.

Улардан ташқари Украина фуқаролигига эга (36-ўрин, 144-ўрин) туристларга саёҳат қилиш учун кенг имкониятлар тақдим этилган. Россия расмий равишда 49-ўринни эгаллаган (118 мамлакат), аммо Европа Иттифоқи ва АҚШ билан ҳаво алоқаларининг ёпилиши саёҳатни сезиларли даражада қийинлаштирди.

If you have found a spelling error, please, notify us by selecting that text and pressing Ctrl+Enter.