Ўзбекистон ва Эрон ўртасида 18 та ҳужжат имзоланди

Самарқанддаги Конгресс-марказда Ўзбекистон ва Эрон президентларининг учрашуви ўтказилди. Учрашув якунида ҳамкорликнинг турли соҳаларини қамраб олган 18 та ҳужжат имзоланди, дея хабар беради Ўзбекистон раҳбарининг матбуот хизмати.

Музокаралар якунида икки томонлама битим ва меморандумлар имзоланди. Булар:

– ишбилармонлик ва илмий доиралар вакиллари ҳамда сайёҳлик гуруҳлари учун виза тартиботларини соддалаштириш тўғрисида битим;

– дипломатик паспортлар эгаларини виза талабларидан икки томонлама озод этиш тўғрисида битим;

– 2022-2025 йилларда туризм соҳасидаги ҳамкорлик дастури;

– фан, техника ва инновация соҳаларида ўзаро англашув тўғрисида меморандум;

– божхона чегараси орқали товарлар ва транспорт воситаларининг ҳаракати тўғрисида электрон божхона ахборотини алмашиш тўғрисида меморандум;

– E-TIRга оид электрон ахборотни алмашиш тўғрисида меморандум;

– фан, тадқиқотлар, таълим ва технологиялар соҳаларида ҳамкорлик тўғрисида меморандум;

– экология ва атроф-муҳитни ҳимоя қилиш масалалари тўғрисида меморандум;

– қишлоқ хўжалиги вазирликлари ўртасидаги битим;

– соғлиқни сақлаш, даволаш, илмий тадқиқотлар ўтказиш, таълим, фармацевтика ва тиббий ускуналар соҳасидаги ҳамкорлик тўғрисида меморандум;

– спорт соҳасидаги ҳамкорлик тўғрисида меморандум;

– нефть, газ ва нефть-кимё тармоқларидаги ҳамкорлик тўғрисида меморандум;

– “Чобаҳор” порти орқали халқаро юк ташишлар ва транзитни амалга ошириш тўғрисида меморандум;

– 2022-2024 йилларда ташқи ишлар вазирликлари ўртасидаги ҳамкорлик дастури;

– бандлик ва меҳнат муносабатлари масалалари бўйича меморандум.

Шунингдек, Абу Райҳон номидаги Ўзбекистон Шарқшунослик институти ҳамда Эрон Архив ташкилоти ва Миллий кутубхонаси ўртасида, икки мамлакатнинг Ибн Сино фондлари ўртасида ҳужжатлар имзоланди.